--------------------------------------------------------------------------------
بسم الله الرحمن الرحيم
النهارده بأذن المولى عز وجل سأقوم بكتابه بعض تعريفات المصطلحات ولكن للشباب الروشه اتمنى اذا اعجبكم الموضوع ان تكتبوا ردودكم وتقييمكم له فضلاً لا امراً حتى اكلمها لانها كثيره
نبدأ على بركه الله
القاموس السياسى (1)
دليل الشباب الروش
العولمه: عمليه تحول اجتماعى وفنى وثقافى تتزعمه فيفى عبده
الشفافيه:سمة ضروريه للملابس المستخدمه فى العولمه ولويندوز فيستا بالخصوص
التغيير:عمليه شديده الاهميه تتم للطفل لما يكون مبلول
المبايعه:ورقة بتكتبها لما تكون رايح تبيع عربيتك القديمه
غسيل الاموال:أسوأ ما يمكن ان يحدث اذا نسيت المحفظه فى البنطلون قبل ما ترميه فى الحمام
عملية السلام:زى عمليه اللوز بالظبط بتنتهى برمى اللوز فى الزباله
سلام عادل وشامل:طيب عادل وعرفنا مين بقه شامل ده؟
الخصخصه:تحدث فى الحدائق يوم شم النسيم مع اكل الفسيخ والملانا
التنوير:علميه تتم فى الشوارع عندما يسكناه وزير
الارهاب:مجموعه عيال عاوزين يتدربوا على النشان فيطق فى دماغهم يلبسوا شنب ودقن ويعملوا انهم من المسلمين ويجبوا واحد من الشارع يدربوا عليه
رجال الاعمال:أشخاص يعملون على فك الربط للرجاله وعمل الاعمال للستات (سحر يعنى)
الجات:اسمه يطلقه اهل اليمن على نبات يشبه البانجو
الشريط الحدودى:الشريط الى جاى لعمرو دياب
عصر المعلومات:عصر يمكنك فيه ان تحصل على ماتريد اذا دفعت المعلوم
سياحه الآثار:خروج الآثار مع الخواجات للفرجه من مصر على العالم
قصور الثقافه:لا يزال وزير الثقافه يبحث عن سبب فى هذا القصور
المؤامره الصهوينه:ماركه جديده من الشماعات نعلق عليها ثيابنا او اخطائنا
العمل بالسياسه:يمارسه من يعمل سايس فى جراش
البيئه:شتيمه يطلقها الشباب على الطبقات الفقيره
صندوق النقد:ميفرقش كتير عن صندوق الزباله
حريه النشر:تمارسها النساء على السطوح فى المناطق الشعبيه
التعمير:عمليه تتم فى الغرزه او اى قهوه مش مظبوطه
العمل الثورى:مذكر العمل العبقرى
قطاع الاعمال:زى قطاع الطرق بالظبط
التربيه:قديماً كان يقوم بها وزاره التربيه والتعليم الان يقوم بها تجار المواشى
شهاده الأيزو:شهادة مضروية بيشتروها زى ما الفلاحين بيشتروا شهادة نحو الاميه ويدفعوا فيها كليتين دره
أحمد زويل:صنع فى مصر بس متجمع فى امريكا
ان شاء نكمل بعدين بس عاوز الاول اشوف ردودكم الحلوه وكل ده متصور على هيئه صور حرفعهالكم لما اشوف ردودكم ان شاء الله بالايجاب او السلب
